27 deputetë të PS-së kërkojnë përjashtimin nga seanca plenare të kryedemokratit Sali Berisha, edhe pse kërkesa e tyre është e çuditshme. Kjo pasi në kërkesë theksohet se gjuha e përdorur nga Berisha jashtë Kuvendit është joetike.
Kërkesa e deputeteve erdhi pasi kreu i demokratëve tha para mediave se disponon një video me përmbajtje erotike të ish-zyrtarit të FBI-së Charles McGonigal me zyrtare shqiptare.
Deputetja e Partisë së Lirisë, Monika Kryemadhi, koleget e saj socialiste po gënjejnë me kërkesë të kryetarit të tyre, Edi Rama. Ajo thekson se deklaratat ish-kryeministri nuk i bëri në Parlament, por në selinë blu dhe sipas saj, deputetet nuk mbajnë përgjegjësi për ato që thonë jashtë foltores së Kuvendit.
“Tregojnë që janë gënjeshtare. Është shumë e rëndë për një grua të jetë gënjeshtare. Çdo ministre, deputete socialiste ka jetën e tyre private. Nuk janë as të parat as të fundit që mund të kenë historitë rozë. Ky është një justifikim, një provokim”,-thotë Kryemadhi.