Oriola Marashi ka dëshmuar herë pas here se është shumë e lidhur me familjen e saj, sidomos me mamin dhe motrën Xhulja. Pak ditë më parë, modelja 25-vjeçare humbi një person shumë të shtrenjtë për të, gjyshin. Duke ditur afërsinë e saj me njërëzit e familjes, padyshim që ylli i “GUESS” është prekur shumë nga vdekja e tij. Ditën që ai u nda nga jeta, Oriola postoi një foto me emoji me lot në sy ku shkruante “U prehsh në paqe gjyshi im”. Ndërkohë që kanë kaluar pak ditë nga humbja në familjen e saj, modelja e njohur duket se e ka marrë veten dhe është ndjerë gati për të reaguar në rrjete sociale. Ajo ka dhënë një mesazh për të gjithë në InstaStory teksa ka shprehur falenderimin për ngushëllimet.
“Faleminderit të gjithëve për ngushëllimet. Mirënjohje dhe respekt. Gëzim të keni gjithnjë në familjet tuaja”, shkruan Oriola teksa ka postuar një foto nga qielli që nënkuptonte gjyshin e saj në parajsë.