Operatori i Sistemit të Transmetimit (OST) njoftoi se grupet e punës janë në gatishmëri dhe në mbështetje të plotë të qytetarëve në zonat e prekura nga lëkundjet e tërmetit.
“Grupet tona të punës janë në gatishmëri dhe në mbështetje të plotë të qytetarëve në zonat e prekura nga lëkundjet e tërmetit”, thuhet në njoftimin e OST.
OST po ashtu ka publikuar edhe një numër celular ku qytetarët mund të kontaktojnë për çdo emergjencë: 0698047610.
Të gjitha strukturat e shtetit janë në këmbë që në momentet e para pas goditjes. Ekipet e Emergjencës po punojnë intensivisht për të shpëtuar çdo jetë të mundshme në disa pika fatale në Durrës e Thumanë.
Një tërmet i fuqishëm me magnitudë 6.3 Rihter goditi vendin tonë në orët e para të mëngjesit. Goditja e fuqishme e tërmetit ka krijuar pasoja të rënda. Deri tani raportohen të kenë humbur jetën 12 persona, 7 në Durrës dhe 5 në Thumanë.