Një video e kryeministrit të Britanisë së Madhe, ka shkaktuar polemika të forta. Policia e Lancashire në Mbretërinë e Bashkuar po “heton” Rishi Sunak, pasi ai u filmua duke mos vendosur rripin e sigurimit, ndërsa ishte pasagjer në një makinë në lëvizje.
Kryeministri ka kërkuar falje për incidentin, duke thënë se ishte një “gabim gjykimi” që hoqi rripin e sigurimit për të filmuar një video në rrjetet sociale.
Po ashtu Sunak “pranon plotësisht se ky ishte një gabim dhe kërkon falje”, u tha gazetarëve zëdhënësi i tij, teksa shtoi se kryeministri “beson se të gjithë duhet të vendosin rripin e sigurimit”.
Në klipin kryeministri shihet duke iu drejtuar kamerës, ndërsa makina shoqërohet me motoçikletat e policisë që shfaqen shkurtimisht në sfond.