Në Shqipëri ka 10 të shëruar nga Covid-19 por sa imunë janë që nuk do të preken sërish? Mjeku Arjet Gega thotë se sipas parashikimeve të paktën për 1 vit mund të jemi imun nga ky virus.
Sa i takon personave të cilët shërohen, duke iu referuar edhe rastit të Shqipërisë, mjeku Gega tha se është normale që të ketë edhe shërime. Sipas tij, vdekëshmëria është deri në 1.5%. ”Mund të themi që të paktën për 6 muaj deri në një vit parashikohet, sepse nuk kemi asnjë pacient që ka qenë i sëmurë për 6 muaj.
Pacienti i parë në Kinë mendohet të ketë qenë në 17 ose 19 nëntori. Por e bazuar në parashikime duket që nga 6 muaj deri në një vit ekzistojnë antikorpet e mjaftueshme për imunitet, mund të jete edhe imunitet për jetë, këtë nuk e dimë. Por të paktën 6 muaj deri në një vit nuk ka rrezik për infektim. Kështu mendohet”.