Pas 12 vitesh Kanye West dhe Drake i kanë dhënë fund situatës konfliktuale në të cilën ndodheshin.
Dy reperët kanë pozuar së fundmi së bashku, nën shoqërinë edhe të një miku të përbashkët J. Prince, ndërkohë që ka qenë West ai që ka ndarë fotografinë më ndjekësit në rrjetin e tij social Instagram.
Në fillim të këtij viti, West i kishte dhënë mundësi për të bërë paqe me Drake, si dhe e ftoi të bëhet pjesë e koncertit të tij të ardhshëm në Los Angeles, që mbahet më 9 dhjetor.
Kujtojmë që koncerti ka për qëllim të bëjë thirrje për lirimin e Larry Hooverit, i cili aktualisht është duke i vuajtur gjashtë dënime të përjetshme në burg, nën akuzat e përfshirjes në grupe bandash.
Djali i Hooverit i kishte kërkuar yllit kanadez të muzikës, Drake, që ta pranojë ftesën e reperit Ye duke thënë, se “Ai është një lider i vërtetë dhe liderët marrin vendime të cilat edhe njerëzit e tjerë i ndjekin”.