Kreu i Organizimit në PD, Klevis Balliu, e përshkruan protestën që do të nisë sot në orën 19:00 , të jashtëzakonshme.
Sipas tij, 7 korriku do të kthehet në një ditë historike. Në një prononcim për mediat, ai gjithashtu bëri më dije se janë marrë të gjitha masat për të ndaluar çdo provokim.
“Kjo është një ditë historike, opozita po zbret në shesh. Jo vetëm strukturat e PD-së, por edhe qytetarë që nuk janë pjesë e tyre, po i bashkohen protestës. Do të ketë një lëvizje nga selia blu drejt Bulevardit. Do të ketë edhe grupe që do të lëvizin nga vende të ndryshme, në varësi të organizimit. Kemi marrë masa për të ndaluar çdo provokim, këtu nuk ka vend për provokime. I bëj thirrje çdo qytetari të bashkohet për të mirën e vendit tonë, për të shpëtuar vendin nga kthetrat e këtij regjimi. Nuk duhet të qëndrojmë sot indiferent. Pjesëmarrja do të jetë e jashtëzakonshme, qytetarët do të derdhen në shesh”, u shpreh Klevis Balliu.