Najada Çomo, shefja e spitalit infektiv poston foto nga e përditshmja e mjekëve dhe infermierëve në spitalet COVID, në shërbim të pacientëve të prekur me koronavirus. Ajo sjell rastin e Rovena Rushitit, fytyra e së cilës shihet qartë nga shenjat e një dite të gjatë e të lodhshme.
Ajo thotë se pamja e Rovenës ju tregon që lufta ndaj COVID-19 vazhdon dhe vëmendja nuk duhet ulur.
“Rovena, e përkushtuar, e saktë, e palodhur. Mirënjohje për ty Rovena Rushiti! Pamja e Rovenës ju tregon që lufta ndaj Covid-19 vazhdon dhe vëmendja nuk duhet ulur”, thekson Çomo edhe si një apel ndaj qytetarëve që të vazhdojnë të zbatojnë rregullat në luftën ndaj COVID-19.