Qyteti liqenor i Pogradecit është zgjuar mëngjesin e sotëm i mbuluar nga dëbora.
Ulja e temperaturave ka bërë që gjatë natës të bien reshje dëbore, duke zbardhur qytetin juglindor, dhe duke krijuar pamje mahnitëse .
Vihet re se akset kryesore të rrugëve janë të zhbllokuara dhe nuk ka probleme në qarkullim.
Edhe banorët duket se e kanë shijuar pamjen e qytetit pranë Liqenit në këtë periudhë pasi shenjat e këmbëve kanë mbetur gjurmë në dëborë.
