Pamjet e rënda të sulmeve të dhunshme të këngëtarit Joz Marku ndaj Edi Kuçit kanë bërë xhiron e rrjetit, ndërsa tashmë për rastin ka ndërhyrë edhe Prokuroria Themelore në Pejë, e cila ka hapur rast ndaj Markut dhe ka kërkuar arrestimin e tij.
Në videot e publikuara në rrjetet sociale, Joz Marku shihet i shoqëruar nga disa persona teksa afrohet dhe rrethon Edi Kuçin, ndërsa aktet e dhunës marrin edhe nota seksuale.
Në një nga momentet që ka shkaktuar edhe reagimet më të shumta në rrjet, Marku shihet duke e përkulur Kuçin mbi kofanon e një automjeti dhe duke kryer ndaj tij një gjest me konotacion seksual.
Pas publikimit të videove, Prokuroria Themelore në Pejë ka hapur rast ndaj Joz Markut.
Sipas informacioneve të publikuara nga Sinjali, organet kompetente kanë kërkuar edhe arrestimin e këngëtarit lidhur me ngjarjen.
Deri më tani nuk është bërë e ditur se për cilën vepër penale është iniciuar procedura ndaj Markut dhe as nëse është marrë ndonjë masë ndaj personave të tjerë që shfaqen në pamje.