Një kompani e madhe që mbledh dhe publikon imazhet satelitore të Ukrainës, e quajtur “Maxar Technoogies” raportoi se më 10 mars u panë shenjat e para të gërmimit për një varr masiv në Kishën e Shën Andreas të Parë, në qytetin e Bucha-s në Ukrainë.
“Mbulimi më i fundit më 31 mars tregon vendin e varrit me një llogore afërsisht 45 këmbë të gjatë në pjesën jugperëndimore të zonës afër kishës,” nënvizoi Maxar Technologies.
Fatmirësisht, vendbanime të tilla si Irpin, Bucha, Hostomel dhe i gjithë Rajoni i Kievit u çliruan nga pushtuesit rusë. Vrasjet masive të civilëve, të kryera nga trupat ruse, janë regjistruar brenda zonave të çliruara.
Më 1 prill 2022, kryebashkiaku i Buçës, Anatolii Fedoruk, bëri me dije se 280 njerëz ishin varrosur në varre masive. Sipas prokurores së përgjithshme të Ukrainës, Iryna Venediktova, 410 trupa të civilëve të vrarë u morën nga zonat e çliruara në Rajonin e Kievit.
