Policia e qytetit të Vlorës ka bllokuar plotësisht rrugën e lagjes “10 Korriku”, pasi është raportuar për një sasie të dyshuar si lëndë plasëse e hedhur në këtë zonë.
Forcat e shumta të policisë kanë siguruar perimetrin e rrugës, duke mos lejuar kalimin e automjeteve, por as të këmbësorëve.
Ende nuk dihet se si ka përfunduar kjo lëndë eksplozive në këtë rrugë të qytetit të Vlorës, por dyshohet se mund të ketë rënë nga një makinë në lëvizje.
Në këtë zonë forcat e policisë janë ende në pritje të forcave xhenierë të cilët do të bëjnë vlerësimin sasisë së dyshuar si lëndë plasëse dhe demontimin e saj.