Kristian Panuçi është në kërkim të elementëve të rinj për kombëtaren kuqezi. Tekniku i përfaqësueses sonë ka një tjetër alternativë në mbrojtje. Ai është 19-vjeç dhe luan për Helas Veronën. Marash Kumbulla, është aktivizuar në Kupë dhe në kampionat me skuadrën e tij si qendërmbrojtës.
Duke qenë se ditën e sotme ai feston ditëlindjen, “Calciohellas.it” i bën një profil futbollistit. Ku ndër të tjera shton se Panuçi ka nën vëzhgim futbollistin që ka debutuar edhe me përfaqësuesen tonë U-21. Kumbulla ka rinovuar së fundmi me Veronën deri në vitin 2022. Gjithashtu, përveçse ne qendër, Kumbulla mund të përshtatet edhe në krah.
