Një 33 vjeçar shqiptar u arrestua nga policia italiane për shitje të lëndëve narkotike.
I riu shqiptar ishte banues në Xhenova, ndërsa ishte i njohur për policinë e kësaj zone, pasi ka pasur dhe më herët probleme me drejtësinë.
Fillimisht, iu nënshtrua një kontrolli personal dhe më pas u zhvillua një kontroll në shtëpinë e tij, ku u gjetën 200 gram hashash dhe 11 gram kokainë si dhe materiale për prerjen dhe paketimin e drogës.
Policia ka konfiskuar edhe një shumë prej 12 700 euro, në kartëmonedha të emetimeve të ndryshme, të cilat vlerësohen si të ardhura nga aktiviteti i drogës. Pas formaliteteve, shqiptari u dërgua në qelitë e paraburgimit.