Këngëtari Endri Prifti rreth një muaj më parë bëri një denoncim për grabitjen e shtëpisë, nga ana e ish-bashkëshortes së tij, Anjeza Kolevica.
Kjo e fundit tha se prona ka qenë në emër të saj, përpara martesës me këngëtarin korçar. Sipas saj Prifti nuk e justifikon pronësinë mbi apartamentin me të ardhurat e tij.
Ndërkohë ditën e sotme, Endri Prifti tha në një intervistë në “ABC News” se ndodhet në proces gjyqësor dhe ka paralajmëruar se kush cënon ta vjedhë atë, do të përfundojë në burg.
“Unë s’di të gënjej asnjëherë. Unë di të them akoma të vërtetën. Kush cënon të më vjedhë mua do të përfundojë në burg. Ekziston Reforma në Drejtësi. Jam akoma në proces gjyqësor”, u shpreh këngëtari.