Organizata Botërore e Shëndetësisë, paralajmëroi se varianti i ri i COVID-19, Omicron do të përhapet me shpejtësi marramendëse në të gjithë botën.
Kreu i OBSH, Tedros Adhanom Ghebreyesus tha se megjithëse variantit i ri është konfirmuar në 77 vende, në shumë të tjera ende nuk është zbuluar.
Tedros tha se OBSH është e shqetësuar se vendet po e trajtojnë Omicron si një variant të butë dhe nuk po marrin masat e nevojshme për parandalimin e përhapjes së tij.
“Jemi mësuar të nënvlerësojnë rrezikun. Edhe nëse Omicorn nuk shkakton forma të rënda të koronavirusit, numri i madh i infektimeve mund të mposhti sistemet shëndetësore të papërgatitura”, tha Tedros.
Kreu i OBSH, tha se vetëm vaksinat nuk mjaftojnë për parandalimin e infektimit nga Omicron, po një mjet i rëndësishëm në këtë luftë po do të jetë maska.
“Vaksinat nuk janë njësoj me maskat dhe as me distancimin social. Duhet të zbatoni çdo masë kundër virusit vazhdimisht”, shtoi ai.
Varianti Omicron u identifikua për herë të parë në Afrikën e Jugut në nëntor dhe që atëherë vendi ka parë një rritje të infeksioneve. Presidenti Cyril Ramaphosa ka rezultuar pozitiv me Covid-19 dhe aktualisht është duke u izoluar me simptoma të lehta.
Një numër vendesh kanë vendosur ndalime udhëtimi që prekin Afrikën e Jugut dhe fqinjët e saj pas shfaqjes së Omicron, por kjo nuk ka arritur ta ndalojë atë të përhapet në mbarë botën