Ish-deputeti socialist, Spartak Braho gjatë intervistës në “News 24” ka deklaruar se kryeministri Edi Rama do ta vizitojë pas disa kohësh ish-kryebashkiakun e Durrësit Vangjush Dako dhe do t’i çojë dhe ndonjë paketë cigare, duke iu referuar shprehjes së njohur që përdoret për ata që përfundojnë në burg.
“Provat janë në prokurorinë e Durrësit për Dakon. Për drejtues të veçantë të institucioneve të Durrësit.
(Për Dakon) E ka shok. Është demagogji. Po do detyrohet ta lëshojë dhe Dakon. Do i bëjë ndonjë vizitë pas ca kohësh, do i çojë ndonjë paketë cigare. Ish-ministri Tahiri po vuan dënimin. Patjetër do i çojë dhe atij cigare, por më duket se nuk e pi cigaren”, tha Braho.
Ai përsëriti se “Berisha, Rama, Meta e kushdo qoftë duhet ta mbyllin njëherë e mirë gojën e të mos merren me çështje që i takojnë drejtësinë, të ndihmojnë drejtësinë”.
Ndërkohë duke folur për ftesën e Berishës për debat ndaj Ramës, ai tha se do ishte mirë të hanin ndonjë drekë së bashku dhe se mund t’i çonte ai.about:blank
“Saliu i ka hedhur një dorashkë dueli, por nuk bëhet. Unë do t’u thosha që më mirë shkoni hani një drekë bashkë te Kodra e Kuajve. Nuk e dinë se ku është i çoj unë. Të dy, të shkojnë”, tha ai.
A do hynte si negociator? “Po patjetër, ia vlen. Atje s’para ka ngjala, atje ka gjëra të tjera”, u shpreh Braho.