Ministri i Brendshëm, Sandër Lleshaj ka dhënë një mesazh të fortë për të gjitha ata që punojnë në portet e Shqipërisë.
Lleshaj shprehet në ‘Twitter’ se ata duhet të maten mirë me ligjet.
‘Porti i Durrësit është porta e Shqipërisë dhe e rajonit. Takimi i sotëm në Port me gjithë aktorët synonte vetëm një mesazh: Kush punon në portën e Shqipërisë duhet të matet mirë me ligjet e saj. Asnjë hapësirë nuk mund të lihet për trafikun, kontrabandën dhe korrupsionin. Masa të shpejta dhe të shumta janë në proces’, shkruan Lleshaj.
Kujtojmë se mëngjesin e sotëm ministri i Brendshëm u takua me autoritetet kryesore që operojnë në Portin e Durrësit.