Shërbimi Meteorologjik Ushtarak bën të ditur se vendi ynë për ditën e shtunë do të vijojë të ndikohet nga kushte të paqëndrueshme atmosferike, për shkak të masave ajrore të lagështa.
Mot parashikohet kryesisht i vranët në të gjithë vendin, ndërsa prej mesditës do të ketë intervale kthjellimi.
Parashikohen reshje shiu intensive dhe rrebeshe kryesisht në veri e veriperëndim. Në pjesën tjetër të vendit, parashikohen reshje shiu deri mesatare me një kohëzgjatje prej orëve të para pas mesnatës deri paradite. Reshje borë me intensitete të dobët, do të ketë në lartësitë mbi 1600 m.
Era do të fryjë me drejtim Juglindje-Jug me shpejtësi 1-8m/s dhe në mbrëmje deri në 15m/sek.
Valëzimi në dete do të jetë i forcës 5-6 me lartësi vale 1.5-3.5m.