Paris Hilton i ka humbur qeni i saj që prej datës 14 shtator.
Përpos ndihmës që ka kërkuar në rrjete sociale nga ndjekësit e saj, ylli i famshëm ka vënë në dispozicion dhe një shpërblim të madh për ata që përpiqen ta gjejnë qenin e saj.
“Nëse keni ndonjë informacion mbi vendndodhjen e Diamond Baby ose besoni se e keni parë atë, ju lutemi kontaktoni finddiamondbaby@gmail.com,” shkroi trashëgimtarja 41-vjeçare.
Hilton tha se jo vetëm që do të ofrojë një shpërblim për këdo që di diçka për zhdukjen e qenit të saj, por edhe se hetimet do të ndihmohen nga një detektiv privat, së bashku me dronët.
“Unë do të bëj gjithçka në fuqinë time për ta gjetur atë”, tha më tej Paris Hilton.
Qeni u pa për herë të fundit pesë ditë më parë në zonën e Beverly Hills pranë Mulholland Drive dhe Clarendon Road.