Gjenerali Rrahman Parllaku ka rrëfyer 100 vitet e jetës së tij në emisionin “Debati në Channel One” të gazetarit Roland Qafoku. Ka qenë ndër njerëzit e parë në frontin e Luftës NacionalÇlirimtare duke u ndeshur me pushtuesit. Por a ka vrarë dikë ai?
Gjenerali përgjigjet se ka vrarë dy gjermanë se nuk kishte ku t’i çonte. “Të jesh në luftë dhe të mos vrasësh nuk ka kuptim. Në luftë të vrasin dhe do vrasësh. Rusët thoshin: Vrite gjermanin se të vret. Një rast ishte ai kur kisha dy robër lufte gjermanë. I vrava sepse nuk kisha ku t’i coja, nuk kisha ç’të bëja me ta”, ka rrëfyer ai.
Lexo edhe- Parllaku: Përse nuk e vramë Enver Hoxhën
Rrahman Parllaku ka lindur në 1919, ka jetuar rininë në mbretërinë e Zogut, ka qenë pjesë e rezistencës gjatë Luftës së Dytë Botërore, ka jetuar gjatë sistemit diktatorial me priviligeje por edhe ka bërë 16 vjet burg dhe tani prej 29 vitesh shijoni demokracinë. Kur gazetari Qafoku e pyet se cila nga këto periudha ka qenë më e mira për të, gjenerali thotë se ka qenë ajo e Luftës së Dytë Botërore.
“Natyrisht periudha më e mirë ka qenë ajo e luftës së Dytë Botërore.Ajo më ka dhënë shumë,. Natyrisht unë isha i ri. Lashë Kukësin dhe shkova në Vlorë dhe atje jetonim si familje me një aktivitet tregtar por përfshirja ime në luftë kundër italianëve dhe gjermanëve ishte ngritja ime si njeri”, thotë Parllaku.
