Tre të rinj shqiptarë janë arrestuar mbrëmjen e djeshme nga karabinierët e Parmas në Itali pasi akuzohen se kanë vjedhur një shtëpi në zonën e stadiumit, pikërisht në rrugën “Puccini”. Sipas mediave italiane, të rinjtë ishin konstatuar në rrugë nga karabinierët dhe këta të fundit ia u kishin bërë me shenjë që të ndalonin, por ata kanë vrapuar.
Në këtë moment, karabinierët italianë u janë vënë nga pas të rinjve duke i ndjekur ata për disa minuta nëpër rrugicat e qytetit dhe brenda disa minutave kanë mundur t’i kapin.
Ndërkaq, gjatë kontrolleve të ushtruara në garazhdin ku ata qëndornin dhe fshihnin sendet që vidhnin, Karabinierët kanë gjetur objekte të ndryshme me vlerë si varëse e unaza floriri si edhe ora të shtrenjta, të cilat dyshohet se janë siguruar përmes grabitjeve në shtëpitë përreth zonës.