Duket se partia e presidentit Millo Gjukanoviç mund të votojë kundër kryeministrit Abazoviç nëse përballet me mocion mosbesimi.
Zëdhënësi i Partisë Demokratike të Socialistëve (DPS), Millosh Nikoliç, ka bërë të ditur se nëse kryeministri Dritan Abazoviç ka miratuar draf-marrëveshjen me kishën serbe, kjo do të thotë se qeveria nuk ka më mbështetjen e kësaj partie.
“Partia Demokratike e Socialistëve vëren me keqardhje se përkundër faktit se diskutimi në seancën e Qeverisë mund të ndiqej përmes transmetimit të drejtpërdrejtë televiziv, deri në fund mbeti e paqartë nëse Qeveria e Malit të Zi miratoi propozimin për kontratë me ortodoksët serbë”, thotë ai.
Ai sqaron se vendimi është miratuar me votat e 13 anëtarëve të Qeverisë dhe se marrëveshja politike e nënshkruhet nga partitë politike që marrin pjesë në të apo mbështesin Qeverinë në Kuvendin e Malit të Zi, është e qartë se shumica e cilësuar është e nevojshme për miratimin e këtij vendimi.
“Kjo do të thotë pa mëdyshje se ky vendim duhet të mbështetet nga 2/3 e të gjithë anëtarëve të Qeverisë, pra 14 prej tyre, që të miratohet. Nga sa më sipër është më se e qartë se Qeveria nuk ka pasur shumicën e nevojshme për miratimin e vendimit në fjalë. Për të gjitha sa më sipër, i bëjmë thirrje kryeministrit Abazoviç që të sqarojë rrethanat e cekura dhe të shpallë qëndrimin e prerë: nëse Qeveria në seancën e sotme ka marrë vendim për miratimin e projekt-kontratës me Kishën Serbe dhe theksojmë domosdoshmërinë që në proçedurë të marrin pjesë juristët, historianët dhe publiku i gjerë i interesuar profesional dhe publik në mënyrë që kjo çështje e rëndësishme të mos zgjidhet me nxitim dhe të arrihet në një përmbajtje adekuate në finale që mbron interesat e shtetit të Malit të Zi. Theksojmë se nëse kryeministri Abazoviç beson se vendimi është marrë, atëherë duhet të ketë parasysh se Qeveria e 43-të nuk e ka më mbështetjen e Partisë Demokratike të Socialistëve të Malit të Zi”, – thuhet në deklaratë.