Nënkryetarja e Partisë së Lirisë, Floida Kërpaçi, vijon takimet në Departamentin Amerikan të Shtetit. Këtë herë ajo është takuar me McLean McGregor, i cili shërben si përgjegjës për marrëdhëniet me Shqipërinë. “Partia e Lirisë është e angazhuar për t’i forcuar marrëdhëniet e partneritetit shtrategjik Shqipëri-SHBA, në shërbim të demokracisë, sigurisë dhe integrimit europian të Shqipërisë”,-shkruan Kërpaçi në facebook.
Postimi i plotë
Në Departamentin Amerikan të Shtetit, pata kënaqësinë të takohesha me McLean McGregor, i cili prej Gushtit shërben si përgjegjës për marrëdhëniet me Shqipërinë.
SHBA janë aleati dhe partneri ynë strategjik, si dhe shtëpia e një diaspore që promovon vlerat e kulturën shqiptare në komunitetet ku jetojnë.
Partia e Lirisë është e angazhuar për t’i forcuar marrëdhëniet e partneritetit shtrategjik Shqipëri-SHBA, në shërbim të demokracisë, sigurisë dhe integrimit europian të Shqipërisë.