Në fjalimin e fitores në sheshin “Skënderbej”, kreu i PS-së Edi Rama ndër të tjera edhe përgëzoi udhëheqësit e partive të vogla opozitare që, sipas tij i mbijetuan presionit jo të vogël të ajrit mes forcave të mëdha kryesore. Sipas shifrave, partitë e vogla, të reja, kanë bashkë mbi 120 mijë vota.
”I përgëzoj udhëheqësit e partive të vogla opozitare, që i mbijetuan presionit jo të vogël të ajrit mes forcave të mëdha kryesore. Uroj që të mos ecin më tej në gjurmët e opozitës së vjetër dhe të falimentuar totalisht, por të gjejnë mënyrat për t’u rritur si alternativa.
Ky popull nuk ka për ta ndryshuar qeverinë që ka, pa ndryshuar opozitën që nuk do. Sa zbrita nga ky podium 4 vite më parë, nisa përgatitjen për fitoren e sotme. Drejtuesit e qarqeve punuan bashkë me mua shumë fort 4 vite me radhë për të sjellë fitoren historike të 11 majit”.