”Partizani i vogël Velo” i regjisores Xhanfise Keko, realizuar në vitin 1980, është rijetëzuar nga Arkivi Qendror i Filmit, dhe është prezantuar në versionin 4k në kinamanë verore të Drejtorisë së Përgjithshme të Arkivave, si vijimi i një rrugëtimi artistik që bën bashkë filma që rrëfejnë histori këtë 80-vjetor të Çlirimit të Shqipërisë.
Përtej drejtuesve të arkivave, si atij të Shtetit po ashtu edhe atij të Filmit, në mesin e të pranishmëve gjeje edhe një prej aktorëve protagonistë të filmit, zotin Eduart Çala.
Ky është filmi i katërt kinematografik që transmetohet në kinemanë verore pranë DPA-së, si pjesë e repertorit të filmave të përzgjedhur për t’u shfaqur në kuadrin e vitit mbarëkombëtar të 80-vjetorit të Çlirimit. Rrugëtimi do të vijojë me të tjera realizime filmike deri në festat e nëntorit.