“Demat e Kuq” të Partizanit kanë vijuar serinë e fitoreve radhazi në kampionat, teksa “viktima” e radhës në Kategorinë Superiore ishte skuadra e Erzenit, me këta të fundit që u mundën në “Arenën e Demave”, me rezultatin minimal, 1 me 2.
Sipari i golave u hap në minutën e 27’ të sfidës, ku pas një asistimi të Maguette, “bomberi” i sulmit, Tedi Cara dërgon topin në rrjetën e portierit Hasanbelli për të filluar festën e “Guerrilsave” të pranishëm në shkallët e stadiumit. Vetëm 20 minuta më vonë mesfushori i Erzenit, Amir Kahirmanovic del nga fusha me kartonin e kuq, duke i lehtësuar edhe më shumë punë “të kuqve” të teknikut Abilaliaj.
Me fillimin e fraksionit të dytë të lojës vjen dhe spektakli, teksa fillimisht ishte i sapofuturi në lojë, Flavio Meçja, i cili barazoi shifrat në minutën e 64’-t të sfidës dhe në fundin e lojës, “bomberi” ganez, Alfred Mensah dërgon sërish topin në rrjetën e Hasanabellit, për të “vulosur” fitoren e “të kuqve”.
Falë këtyre 3 pikëve, Partizani vijon të jetë komod në vendin e 2-të të renditjes, me 17 pikë, 2 më pak se Egnatia kryesuese, por me një ndeshje më shumë për të luajtur, ndërsa në krahun tjetër, Erzeni mbetet në vendin e 7 të renditjes me 11 pikë.