Partizani ka thyer mallkimin e “Air Albania” duke marrë më në fund një fitore në impiantin e ri kryeqytetas. Të kuqtë kanë zgjedhur ndeshjen e duhur për ta bërë një gjë të tillë, duke mundur 1-0 Laçin, një rival direkt për Europën dhe duke hedhur një hap të rëndësishëm drejt këtij objektivi.
Ndeshja u vendos nga goli i Çinarit në fillimin e ndeshjes, e më pas të kuqtë arritën të menaxhonin mirë situatën përballë kurbinasve që qarkulluan shumë topin por nuk arritën që të gjenin hapësirën për të dërguar sferën në rrjetë. Kurbinasit shpërdoruan shumë para portës sidomos në minutat e fundit, ku Nuabueze e Xhixha mund të kishin zgjidhur më mirë disa situata.
Kësisoj, ata kthehen në shtëpi pa pikë dhe shohin se si tashmë kanë Partizanin vetëm 2 pikë pas tyre në renditjen e Superiores.
PARTIZANI-LAÇI 1-0
11′ Çinari
PARTIZANI: Hoxha, Idrizaj, Belica, Boldor, Trashi, Telushi, Broja, Kordeiro, Çinari (76′ Braun), Llanaj (54′ Ferati), Bardhi (88′ Solomon).
Trajner: Adolfo Sormani
LAÇI: Stazhila, Fangaj, Ignjatovic, Selmani, Turkaj, Shehu, Deliu (76′ Rapo), Lushkja, Xhixha, Nuabueze, Greca (64′ Teko).
Trajner: Armando Cungu.
KV: Boldor, Bitri, Solomon / Shehu, Nuabueze, Lushkja
Gjyqtar: Kreshnik Bajramaj
