Detaje te reja janë zbardhur nga ngjarja e ndodhur ditë më parë në Athinë ku u ekzekutua me armë zjarri 32 vjeçari shqiptar Roan Brahimi.
Partnerja e tij e cila mbeti e plagosur lehtë nga atentati, ka deklaruar se nuk kishte pasur dijeni se Roan Brahimi do të vinte në Athinë pasi nuk i kishte treguar asgjë. “Nuk dija asgjë, nuk më kishte thënë gjë. Erdhi të Shtunën e Madhe për Pashkë”– është shprehur partnerja e Brahimit.
Në lidhje me ngjarjen ajo u shpreh se ishte e pranishme në makinë por nuk mbante mend sesi ndodhi. Ndërsa shtoi se fëmija i mitur i pa të gjitha.
“Isha bashkë me të brenda në makinë, por nuk e mbaj mend si ndodhi. Pastaj dola nga makina. Fëmija i pa të gjitha. Tani e ka mamaja ime, unë jetoj në shtëpinë time. Nuk jam fare mirë”-shtoi ajo.