Peshëngritja shqiptare do të përfaqësohet me të paktën 2 sportistë në Lojërat Olimpike të Rusisë, pasi Briken Çalja dhe Erkand Qerimaj kanë arritur normën olimpike. Çalja, i paarqitur në nivele të larta dhe medalist në turne të ndryshëm kontinentalë, ka arritur që të sigurojë prej kohësh ftesën për pjesëmarrjen e tij në aktivitete.
Ndërsa sot, ka ardhur edhe ftesa zyrtare për Erkand Qerimajn, i cili duke qenë pjesëmarrës i rregullt në aktivitete, edhe pse në disa raste pa rezultatet që priteshin, ka arritur të sigurojë mjaftueshëm pikë për vendin e 10 në renditjen botërore të peshës deri në 81 kilogram, duke prerë kështu një biletë për pjesëmarrjen në Tokio.
“Zyrtarisht i kualifikuar për Olimpiadën Tokio 2020 për të përfaqësuar vendin tim, Shqipërinë! Pas 3 viteve gara kualifikuese, sakrificë dhe mund duke arritur të marr pikët kualifikuese për këtë kompeticion shumë të rëndësishëm për të gjithë botën dhe për karrierën time! Faleminderit gjithë që më kanë mbështetur dhe besuar”, ishte postimi i Qerimajt në Facebook, duke bërë të ditur këtë arritje të shkëlqyer për karrierën e tij.