Një muaj më parë Miley dhe Liam i dhanë fund martesës së tyre.
Pas shumë ulje-ngritjesh ata vendosën t’i japin fund gjithçkaje dhe tashmë secili prej tyre vazhdon jetën i lirë.
Duke qenë se, ende nuk dihet një shkak i vërtetë për ndarjen e tyre, herë pas here në media dalin deklarata dhe fakte të ndryshme.
Së fundmi është zbuluar se Liam e ka mësuar ndarjen nga bashkëshortja e tij përmes rrjeteve sociale.
Thuhet se aktori ka mbetur i habitur kur ka parë se Miley deklaroi ndarjen gjatë kohës që ai ishte në Australi.
Një burim ka treguar për “Page Six” se aktori nuk ishte gati të bënte publike ndarjen sepse ai ishte duke luftuar në privatësi për të shpëtuar martesën.
Kujtojmë se në 10 gusht, në të gjitha mediat qarkulloi një foto e Miley-t teksa puthej me Kaitlynn Carter.
Thuhet se vajzat janë në një lidhje, megjithatë ende nuk është konfirmuar.