Pas ngjarjeve të shumta kriminale të ndodhura ditët e fundit në vendin tonë, Policia e Shtetit ka ngritur pika kontrolli në të gjithë vendin.
Pas Elbasanit, grupet e Forcave të Ndërhyrjes së Shpejtë dhe Forcat Shqiponja kanë zhvilluar një sërë kontrollesh në Fier, për goditjen e rasteve me armëmbajtje pa leje dhe lëndëve narkotike.
FNSH e Shqiponjat kanë ndaluar pjesën më të madhe të automjeteve në disa postblloqe të ngritura në hyrjet dhe daljet e qytetit.
Kontrollet kanë vijuar për disa orë, ku uniformat blu kanë kaluar në “filtër” jo vetëm drejtuesit e mjeteve, por edhe pasagjerët, për të vendosur në pranga personat e shpallur në kërkim.