Syriza do të ketë një lider të ri, pas epokës së Aleksis Tsipras. Ai është Stefanos Kasselakis, një “i huaj” për politikën helene. Sipërmarrësi greko-amerikan fitoi 56.69% të votave kundrejt 43.31% që mori Efi Achtsioglou, ish-ministrja e punës në qeverinë e Tsipras, që ishte konsideruar prej kohësh si e preferuara e mbështetësve të Syriza.
Fitorja në këtë garë e biznesmenit u përshkrua si mahnitëse dhe e paprecedentë, por e bën Kasselakis tani një nga njerëzit më të fuqishëm në Greqi,
Kasselakis, i cili nuk dihet të ketë pasur ndonjë lidhje me Syrizën para këtij viti, u transferua në Athinë vetëm disa muaj më parë, duke u vendosur në kryeqytet me bashkëshortin e tij amerikan Tyler McBeth. Ai e thirri bashkëshortin teksa i drejtohej turmës, duke falënderuar grekët që e pranuan në gjirin e tyre.