Gjykata e Vlorës ka caktuar masën e arrestit me burg edhe për Pandeli Kokaveshin, bashkëpunëtorin e kandidatit të koalicionit “Bashkë Fitojmë” për Bashkinë e Himarës, Fredi Beleri.
Ata u arrestuan nga policia për blerje votash. Gjyqi ndaj dy të akuzuarve u zhvillua me dyer të mbyllura, ndërsa mori pjesë dhe ambasadorja greke në Tiranë, Konstantina Kamitsi.
Gjatë seancës mësohet se Beleri mohoi akuzën. Ai theksoi se në lokalin e tij ndodhej së bashku me të afërmit dhe se lekët nuk i kishte për të blerë vota. Por nga ana tjetër, organi i akuzës provoi të kundërtën, bazuar këtu dhe në dëshminë e qytetarit që bashkëpunoi me drejtësinë.