Nga zhvillimet e ditëve të fundit kemi vënë re që shumë eksponentë të lartë të Lëvizjes Socialiste për Integrim janë duke u bashkuar me PS-në.
Po ashtu pas Nasip Naços, u përfol se edhe Vangjel Tavo së shpejti do ti bashkohet veprimit të Nasip Naços, për të kaluar në krahun e Edi Ramës.
Por Tavo në një prononcim për “Standard”, e ka përgënjeshtruar, por me tone të ashpra ka denoncuar planin dhe tentativën e Edi Ramës për të përçarë opozitën e bashkuar nëpërmjet diversioneve të tilla të ulëta.
“JO. Vangjel Tavo nuk largohet nga LSI. Jam më shumë se kurrë i përkushtuar për largimin e sektit të “Rilindjes” që nuk përfaqëson socialistët e thjeshtë por vetëm një grup shushunjash që thithin gjakun e familjeve të thjeshta. Këto diversione të vjetra të sektit të “Rilindjes” për largime apo sabotime nuk pinë më ujë dhe nuk e shpëtojnë dot nga largimi i sigurt më 25 prill”, ka reaguar ai.