Pas pretendimeve për një incident të ndodhur me Britney Spears në një restorant në Los Angeles gjatë fundjavës, bashkëshorti i Britney Spears, Sam Asghari, ka thyer heshtjen duke reaguar në rrjetet sociale.
U raportua se këngëtarja i kishte shqetësuar të gjithë klientet e restorantit pasi kishte shfaqur disa sjellje të çuditshme duke bërë që Sam të largohej nga restoranti. 28-vjeçari ka publikuar në rrjetin e tij social Instagram, një mbishkrim ku me sa duket iu referohet lajmeve. Ai ndan një postim në InstaStories e tij, ku shkruhej:
“Mos i besoni asaj që lexoni në internet njerëz”.
Ndërkohë, edhe Britney ka zgjedhur të reagojë në llogarinë e saj personale. Këngëtarja e hitit “Toxic” ndau një video montazh të saj duke kërcyer “I Touch Myself” nga Divinyls. Ajo është shfaqur duke realizuar disa lëvizje kërcimi.
Britney nuk i ka vënë postimit një mbishkrim dhe gjithashtu ka bllokuar komentet, duke i penguar fansat të lënë ndonjë mesazh. Mesa duket kjo ka qenë një përgjigje e nënkuptuar për situatën e ndodhur, pasi edhe në video ajo shfaqet duke i treguar gishtin e mesit kamerës.
Çifti u martua në qershor të vitit të kaluar në një ceremoni intime në shtëpinë e tyre në Thousand Oaks, Kaliforni. Ishte një ceremoni e mbushur me yje e me personazhe të famshëm si Dreë Barrymore dhe Paris Hilton që u shfaqën për të parë çiftin. Britney veshi një fustan të guximshëm nusërie nga Donatella Versace për ditën e saj të madhe. Ata shpallën fejesën e tyre në shtator 2021 me një postim në Instagram.