“Defender Europe 21” ditën e sotme ka zbarkuar në Tiranë, ku pati surpriza në tokë dhe në ajër në sheshin “Nënë Tereza”.
Ky event bëri bashkë presidentin Ilir Meta, kryeministrin Edi Rama dhe ambasadoren Yuri Kim. Por ajo që nuk u pa me nisjen e stërvitjes ushtarake është përshëndetja e Metës me ambasadoren Kim.
Edhe pse ka pasur përplasje mes tyre para zgjedhjeve të 25 prillit, ditën e sotme nuk ka munguar përshëndetja e palëve. Para nisjes së stërvitjes ushtareke Meta dhe Kim janë përshëndetur dhe i kanë dhënë duart njëri-tjetrit, të buzëqeshur.