Një tjetër grua i jep fund jetën me fostoksinë. Shpresa Krëku, 41-vjeçarja nga fshati Bilçë në Berat, u vetëhelmua mëngjesin e së mërkurës, pas një sherri me bashkëshortin e saj. Ajo kishte debatuar me të shoqin Çlirim Krëku, në telefon, pasi ky i fundit jetonte në Selanik të Greqisë prej 1 viti.
Përpara se të ndërmerrte aktin Shpresa Krëku ka telefonuar të vëllanë duke i lënë amanet fëmijët. “Nuk mundem më vëlla, amanet fëmijët”, i ka thënë ajo dhe më pas ka pirë 3 kokrra fostoksinë.
Pas telefonatës nga 41-vjeçarja, i vëllai ka shkuar menjëherë në banesën e saj ku e gjeti në gjendje kritike. Ajo ka kërkuar në momentet e fundit të jetës ta varrosnin në fshatin Banaj pranë familjes së saj.