Nga muaji mars nisi transmetimi i filmit “2 gisht mjaltë”, në të cilin Elvana Gjata dhe Ermal Mamaqi kishin role protagonistë. Ky prodhim kinematografik rezultoi një sukses i vërtetë jo vetëm në Shqipëri, por edhe jashtë trojeve. “2 gisht mjaltë” u transmetua në të gjitha kinematë e Austrisë, Gjermanisë, Zvicrës dhe bumi i shitjeve të biletave ishte po i njëjtë si në Shqipëri apo Kosovë.
Siç duket ky sukses e ka shtyrë Ermal Mamaqin të mendojë për prodhimin e një filmi tjetër. “Xing.al” ka mësuar se aktori i njohur dhe “Mamaqi Production” ka gati një projekt të ri kinematografik që pritet të rrëmbejë vëmendjen njësoj si “2 gisht mjaltë”.
Për këtë film të ri është përzgjedhur edhe kasti i aktorëve, por emrat e tyre nuk bëhen ende të ditur. Thuhet se puna për xhirimet e tij kanë nisur dhe shumë shpejt do të shfaqet premiera në kinematë shqiptare. Megjithatë ka ende shumë detaje për filmin e ri që priten të zbulohen në ditët në vijim.