Bashkia e Gjirokastrës ka anuluar tenderin për trajtimin dhe tredhjen e qenve të rrugës. Vendimi në fjalë është marrë nga ana e kryebashkiakut të Gjirokastrës, Flamur Golemi.
Tenderi me vlerë 14 milionë lekë u zhvillua në 2 mars të vitit 2023, dhe pasi u shty dy herë nga kryebashkiaku Flamur Golemi për mosplotësim të dokumenteve, u vendos që të bëhej në fund të qershorit.
Golemi bëri shpalljen e tretë formale më 24 korrik 2023 dhe më 14 gusht u bë anulimi përfundimtar i tenderit, me arsyetimin se në të tre rastet nuk është paraqitur asnjë ofertë.