Sipas komisionit të Letrave me Vlerë dhe Shkëmbimeve të SHBA-së, miliarderi Elon Musk ka shitur 4.4 miliardë dollarë aksione të kompanisë së tij të makinave elektrike Tesla, pasi bleu rrjetin social Twitter-in.
Mësohet se aksionet e Tesla ranë ndjeshëm në fillim të kësaj jave për shkak të shqetësimeve se Musk do të shiste një pjesë të aksioneve të tij për të financuar marrëveshjen për kompaninë e mediave sociale. Megjithatë, ai shkroi në Twitter se nuk kishte në plan të shiste më nga aksionet në prodhuesin e makinave.
Musk ofroi rreth 44 miliardë dollarë për të blerë Twitter-in. Për të financuar blerjen, ai siguroi një hua prej 25.5 miliardë dollarësh, nga të cilat 12.5 miliardë dollarë mbështeten nga aksionet e Tesla. Twitter e pranoi ofertën, por marrëveshja është në pritje të miratimit nga aksionarët dhe rregullatorët.
