Ditën e djeshme, vogëlushi i Meghan Markle dhe Princ Harry-t, Archie Harrison, festoi 2-vjetorin e tij të lindjes.
Me këtë rast Meghan dhe Harry nuk e kursyen një foto të të voglit, të cilit kësaj here ia kishin fshehur portretin. Megjithatë, dalluam që Archie është rritur shumë që nga hera e fundit që e kemi parë.
Popullariteti i Meghan Markle dhe Harry-t ka rënë në nivelet më të ulëta ditët e fundit, sidomos pas funeralit të Princit Philip dhe mesa duket çdo veprim që bëjnë qoftë dhe me një synim të mirë ngre polemika nga njerëzit.
Dhe ka qenë fotoja e të voglit ajo që ka ngritur këto debate. Kjo fotografi, e cila është postuar në instagramin e shoqatës së bamirësisë pasi ato nuk kanë një instagram me emrin Sussex ( që kur hoqën dorë nga familja mbretërore) ka bërë që njerëzit të kthehen dhe njëherë kundër tyre për dy arsye:
Aryseja e parë: Dyshja me këtë rast lajmëroi një iniciativë të re bamirësie dhe ndjekësit thonë njëzëri se si mund ta shfrytëzojnë imazhin e djalit për të interesat e tyre.
Arsyeja e dytë: Meqë Harry dhe Meghan zgjodhën një foto të paqartë, ku djali qëndronte me shpinë, për të mos e ekspozuar shumë, ndjekësit shkruajnë: Sot u kujtuan t’i ruajnë djalit imazhin? E harruan intervistën që dhanë tek Oprah ku i nxorën në shesh të gjitha, ku folën edhe për ngjyrën e lëkurës së djalit?
Meghan dhe Harry humbën popullaritetin e tyre pas intervistës së dhënë për Oprah Ëinfrey, ku akuzuan familjen mbretërore për racizëm. Që nga ajo kohë ata nuk kanë rifituar favor me publikun britanik, pasi popullariteti i Princ Harry-t ra me tre pikë të tjera pas funeralit të Dukës së Edinburgut më 17 Prill. Ndërkohë dhe Meghan, e cila nuk mori pjesë në funeral humbi popullaritetin prej pesë pikësh, tregojnë shifrat.