Zv/ministrja e Shëndetësisë Mira Rakacolli gjatë një interviste tha se nuk ka ende studime se vaksina AstraZeneka shkakton mpiksje gjaku apo trompoza tek personat që vaksinohen. Ajo u shpreh se trompoza ndodh edhe pa bërë vaksinat. Në Shqipëria sipas Rakacollit nuk ka patur raste të pasojave për shkak të vaksinimit nga AstraZeneka.
Mira Rakacolli theksoi se: “Nuk mendohet se ka një lidhje me mpiksjen e gjakut me AstraZenecan. EMA është shprehur, thuhet se rastet po vlerësohen. Nga miliona doza të shpërndara janë shënuar vetëm 47 raste mpiksje gjaku. Numri është shumë i vogël. Çdo vend ka qëndrimin e tij, Belgjika, Serbia dhe Kroacia po e vazhdojnë. Trompoza ndodh edhe pa bërë vaksinën. Përderisa nuk është vërtetuar lidhja me trompozat, ne nuk kemi të drejtë të spekulojmë. Në Shqipëri nuk kemi pasur asnjë rast. Edhe sikur të ndodhte, rreziku është shumë i vogël, është 0.007 për 1000 raste. COVID-i ka mundësi më të madhe. Në Angli janë ulur numrat.”