Lefter Maliqi, deputeti i sapobetuar në Kuvend ka marrë fjalën duke thënë se mori mandatin e dhuruar të kreut të PD. Pata këmbën e mbarë tha ai, duke shprehur bindjen se brenda dy muajve reshtat e opozitës do të jenë plot.
“Pata këmbën e mbarë! Fati që zura dhe vendin e kryetarit me mandat të PD dhe jam i bindur që brenda dy muajve rreshti këtëj do të jetë plot dhe mos të kujtojnë ata që kanë dalë jashtë se më të mirë se ne këtu dhe do i drejtohem të gjithë demokratëve se gënjehen nga kryetari”, tha Maliqi, duke theksuar se ai zotohet për t’i kthyer dinjitetin PD-së.
Ai shtoi se kryeministër nuk mund të bëhesh me dhuratë, po me mund e djersë. Por mesa duket deputeti do të jetë disi problematik për Gramoz Ruçin, pasi vijoi të fliste dhe pasi kreu i Kuvendit i hoqi fjalën.
“Deputetët e rinj të respektojnë kohën. Koha për ndërhyrje të tillë për procedurë është 3 minuta”, tha Ruçi.