Partia Demokratike është rikthyer në Komisionin Qendror të Zgjedhjeve, tre muaj pasi opozita vendosi të djegë mandatet.
Mbledhja e sotme e KQZ është shoqëruar edhe me debate mes përfaqësuesit të saj Njazi Kosovrasti dhe nënkryetarit të KQZ-së, Denar Biba.
“Ju nuk jeni subjekt zgjedhor, interesi juaj është një me gazetarët, mos na ndërprisni kaq shumë”, i ka thënë Biba-Kosovrastit.
Por ky i fundit i është përgjigjur duke i thënë se PD është parti parlamentare dhe ka të drejtë të marr pjesë në mbledhjet e KQZ-së.
