Komisioni i jashtëm dhe ai i drejtësisë në Parlamentin Europian kanë zhvilluar një dëgjesë publike për sundimin e ligjit dhe procesin e anëtarësimit në BE për vendet e Ballkanit Perëndimor.
Drejtori për zgjerimin në BE, Christian Danielsson thotë se shumë vende që dëshirojnë ti shtohen BE janë shumë larg plotësimit të kritereve dhe disa prej tyre janë në prapavijë. “Që nga 2015 ne kemi aplikuar metodologji të re të matjes së progresit dhe kemi rezultate krahasuese”, tha ai gjatë dëgjesës publike.
Eurodeputeti Javier Couso ka kërkuar që të dërgohen në Ballkan katër delegacione të PE-së, për të monitoruar situatën, teksa ka protestë në Serbi e Shqipëri.
Causo kërkon që komisioni i Jashtëm i PE-së të dërgojë delegacione në Serbi, Kosovë, Shqipëri dhe Maqedoninë e Veriut për të monitoruar situatën.
“Sundimi i ligjit në Ballkanin Perëndimor dhe Turqi është një shqetësim i madh”, ka thënë ai.