Vendimi i Këshillit të Ministratve nr.777 datë 26 dhjetor ka shqetësuar seriozisht botën akedemike në vend. Një grup pedagogësh me në krye Mark Markun dhe Arlind Qorrin janë bërë bashkë dhe kanë nisur sot në dy fakultete të UT-së një greve, pasi kërkesat e tyre nuk janë plotësuar. Me përjashtim të këtyre dy fakulteteve, pjesa tjetër vazhdon mësimin normalisht dhe nuk e rrezikojnë humbjen e vitit akademik. Konkretisht, kërkesa e parë e pedagogëve ishte zgjidhja e kërkesave të studentëve, ndërsa kërkesa e dytë ishte për shfuqizimin e menjëhershëm të VKM-ve të datës 26 dhjetor 2018.
Por këto dy kërkesa përplasen dhe rrëzojnë njëra tjetrën, sepse, plotësimin e kërkesave të studentëve e realizojnë pikërisht VKM-të e 26 dhjetorit, që nga tarifat, deri te konviktet e plagjiaturat. Pedagogët dalin zbuluar që halli i tyre nuk janë as studentët, as ligji i Arsimit të Lartë, por doktoraturat e tyre të cilat sipas ‘Paktit për Universitetin’ do të kalojnë në sitën e Vettingut e kjo ka frikësuar disa pedagogë dhe mbajtja në jetë e një proteste deri në 16 shkurtin e Bashës. Pedagogët mesa duket janë të trembur nga fakti se Këshilli i Ministrave ka miratuar vendimi nr. 777, datë 26.12.2018, “Për kontrollin antiplagjiaturë të disertacioneve për fitimin e gradave shkencore”.
VKM-ja për kontrollin antiplagjiaturë të disertacioneve, ndër të tjera parashikon krijimin e arkivit dixhital të doktoraturave në Republikës e Shqipërisë pranë Ministrisë së Arsimit, Sportit dhe Rinisë. Pikërisht për shkak të kësaj VKM-je, disa pedagogë kanë hyrë në grevë, duke kërkuar rrëzimin e të gjithë VKM-ve, që janë në fakt edhe zgjidhja e kërkesave të studentëve.