“Gjergj Luca më ka rrëmbyer pronën për ta bërë parking”. Kështu denoncoi një pedagog informatike nga Elbasani gjatë tryezës së organizuar nga ish-Kryeministri Sali Berisha me aktivistë të shoqërisë civile këtë të martë.
Pedagogu tha se Luca ka mbështetjen e Qeverisë dhe të Edi Ramës dhe shkel çdo ligj e të drejtë pronësie të qytetarëve të tjerë në Elbasan.
“Bën mbledhje qeveritare te Luca. Nuk kemi një qendër shëndetësore, një kopsht për fëmijët. Kur Luca më rrëmben pronën për ta bërë parking, i kam kërkuar kreut të bashkisë që hajde merre këtë pronën bëje një shkollë për komunitetin dhe jo për oligarkët”, tha ai.about:blank
Në këtë takim, ndër të tjera personi që u prezantua si pedagog tha se ishte kërcënuar nga Gjergj Luca dhe se nuk do të tërhiqej nga e drejta e pronës së tij, pavarësisht presioneve.
“Rama mos të vijë të hajë dreka e darka me oligarkët. Gjergj Luca, edhe 500 mijë lekë të japi do e pësojë më keq. Këtu do rri e do luftoj. Le të më vendosi njerëz për të më vrarë, mua aty do më ketë.”-tha pedagogu.