Një profesor universiteti nga Kabuli u shfaq duke grisur diplomat e tij universitare drejtpërdrejt në një televizion në Afganistan.
Burri, i identifikuar nga gazetarët afganë si një lektor i quajtur Ismail Mashal, tha se vendi i tij “nuk është vend për arsimim”.
“Nëse motra ime dhe nëna ime nuk mund të studiojnë, atëherë unë nuk e pranoj këtë arsim”, dëgjohet të thotë ai, para se të grisë diplomat e tij para kamerave, ku u shfaq tejet i ngarkuar emocionalisht.
Pamjet u transmetuan në Tolo TV dhe që atëherë janë parë mbi 170,000 herë pasi janë shpërndarë në rrjetet sociale.
Talebanët vendosën pak ditë më parë të përjashtojnë gratë dhe vajzat nga e drejta për të studiuar në universitet.