Në Tivar është ngritur alarmi për një shpërthim në njërën prej radiove lokale të qytetit bregdetar.
Gazeta “Vijesti” raporton se telefonuesi gjatë bisedës së shkurtër me punonjësit e “Radio Bar”, tha se i gjithë qyteti do hidhej në erë për 10 minuta nëse nuk telefononin policinë për eksplozivin.
Drejtoresha e radios ka njoftuar policinë menjëherë, teksa efektivët kanë nisur kontrolle në port për eksplozivin e supozuar, porti më i madh në të gjithë Malin e Zi. “Punëtorët e portit janë evakuuar, derisa policia të bëjë punën e saj”, shkruan tutje “Vijesti”.
Në qytetin shqiptar të Tivarit janë dominues malazezët dhe serbët me shumë pak popullsi shqiptare.